Чајот од лист од дудинка е еден од начините за искористување на сите предности кои ги поседува ова магично овошје кое се користи за правење џемови, сосови, чаеви, сокови, вино… 

Чајот од лист од дудинка е еден од најмоќните ароматични билни напитоци. Тој се приготвува од свежи или суви листови од бела или црна дудинка, додека неговите здравствени благодети се неверојатни.

Дудинката потекнува од топли и суптропски предели како што се Америка, Кина, Јапонија и Централна Азија. Листот од дудинка содржи дури 18 есенцијални аминокиселини, витамини и минерали како што се калциум, натриум, магнезиум и железо.

Како да приготвите чај од листови од дудинка?

Во чајник ставете неколки свежи листови од дудинка или една лажица сушени листови. Прелијте со 2 шолји врела вода, па мешајте 3-5 минути. Процедете, засладете со мед или шеќер за подобар вкус и пијте го топол.

Благодети на чај од листови од дудинка

Утврдени се неверојатни здравствени придобивки кои ги има чајот од лист од дудинка. Поради високата содржина на антиоксиданти, фитонутриенти и витамини А и Ц, редовното пиење на овој чај може да ве заштити од развој на малигни болести.

Антиоксидантите ја намалуваат штетата предизвикана од процесот на оксидација која се јавува во човековиот организам.

Покрај тоа, чајот од лист од дудинка помага во намалување на холестеролот и триглицеридите, а способен е да спречи и развој на дијабетес тип 2 бидејќи има моќ да оневозможи продирање на вишокот шеќер во крвта. Според традиционалната медицина, овој напиток одамна се користи за отстранување на симптомите на настинка како зголемена телесна температура, треска, воспалено грло, кашлица и црвени или болни очи. 

Некои студии покажуваат дека со секојдневно консумирање на чај од лист од дудинка може да се спречи развој на камен во бубрезите, па тој се дава како придружна терапија на лековите за бубрежни болести.

Дудинката инаку е преполна со витамин Ц и антиоксиданси кои му овозможуваат на човечкиот имунитет моќна одбрана од инфекции и болести. Само една шолја бела или црна дудинка ги покрива дневните потреби за витамин Ц.