Непрестанато пристигнуваат снимки од разорната експлозија на пристаништето во Бејрут во која загинаа најмалку 100 луѓе, а над 4 илјади се повредени.
"Russia Today" објави голема компилација од 15 различни видеа кои ги направија сведоците на експлозијата која го потресе главниот град на Либан.
Синхронизираните исечоци даваат одредена претстава за катастрофата која го шокираше светот, а до која дојде поради 2,750 тони амониум нитрат кои не биле складирани прописно.
Бројот на жртви во Бејрут во меѓувреме продолжува да расте, а спасувачките екипи се во потрага по евентуалните преживеани под рушевините.
