Софтверот на Државната изборна комисија е цел на хакерски напад од надвор, пренесува „Канал 5“.
Во Државната изборна комисија ги добиваат резултатите од локалните избирачки места, но сепак не можат да ги објават резултатите на својата веб страна, најверојатно затоа што е на мета на хакерски напад.
Истовремено, најголемиот агрегатор на вести во државава, Time.mk се најде на удар на сајбер напад. Игор Трајковски од Time.mk на неговиот профил на социјалната мрежа „Твитер“ објави дека агрегаторот е под “DDOS” напад.
Досега cloudflare блокираше 3М ip адреси. Уште нови се појавуваат. Ваков DDOS до сега не сме имале. Некој фрлил многу пари да го прави ова.
— Igor Trajkovski (@mkrobot) July 15, 2020
Покрај ова, моментално не се достапни повеќе веб страници на истакнати македонски медиуми.
