Маж на Нов Зеланд ја пресекол оградата и побегнал од самоизолација само за да купи алкохол, потврди владата на оваа земја.
Станува збор за маж на 50-годишна возраст кој пресекол орада од 1,8 метри за да се пробие низ привремениот карантин во Хамилтон и да купи алкохол во локална продавница. Полицијата веднаш го обезбедила просторот околу продавницата затоа што било проценето дека истата претставува опасност за ширење на зараза.
Инаку, ова е третото лице кое бега од карантински хотел на Нов Зеланд.
Во средата 30-годишно лице исто така побегна за да пазари во суперммаркет. Подоцнежните тестови покажале дека е позитивен на вирусот.
Претходно, една жена ја прескокнала оградата и излегла на прошетка, но набрзо потоа се изгубила и побарала помош од полицијата да ѝ го покажат патот да се врати во хотелот каде што требало да биде во изолација.
Вкупниот број на потврдени случаи во Нов Зеланд досега изнесува нешто помалку од 1,200 заразени.
