Направете домашен Магнум сладолед – едноставен рецепт кој ќе ве освои

Кармин

06/07/2020

12:36

1.926

Големина на фонт

а а а

Доколку не сакате да одите во продавница и да купите една од вашите омилени работи во жешките летни денови - сладолед, тогаш направете си сами.

Состојки:

- стапчиња за сладолед; 
- 500 милилитри млеко; 
- 2 лажици шеќер; 
- 60 грама пченкарен скроб; 
- 1 лажица екстракт од ванила; 
- 100 грама бело чоколадо; 
- 100 грама грчки јогурт. 

За прелив:

- 300 грама темно чоколадо (може и млечно)
- сецкани бадеми 


Подготовка:

Во тенџере ставете млеко, пченкарен скроб, ванила, шеќер и помешајте. Варете додека смесата не се згусне, а потоа додадете го белото чоколадо.

Помешајте и додадете го грчкиот јогурт. Повторно сè убаво измешајте и ставете го во тетрапак од млеко кој што претходно малку сте го загреале и сте го исекле неговиот врв.

Со скалпер или пак нож едната страна од тетрапакот исечете ја и ставете ги стапчињата. Покријте со фолија и ставете го во замрзнувач во текот на целата вечер.

За прелив:

Стопете го чоколадото и додадете ги исечканите бадеми. Оставете малку да се излади.

Со нож исечете го тетрапакот помеѓу стапчињата и откстранете го вишокот така што ќе добиете сладолед на стапче. Потоа ставете ги сладоледите во чоколадниот прелив, па повторно во замрзнувач околу половина час.



Спонзорирани линкови

Маркетинг

назад до tocka.com.mk