“Rover, Land Rover”: Погледнете ги неверојатните филмски акробации на култниот теренец
Новото издание на легендарниот “Land Rover Defender” е едно од ѕвездите во новиот филм од серијалот за Џејмс Бонд.
За потребите на снимањето на атрактивните сцени, стандардните возила биле дополнително обработени за тие да можат да ги поднесат бркотниците, скоковите и агресивните акробации.
Ник Колинс, директор на компанијата “Jaguar Land Rover” задолжен за моторните возила, вели дека благодарение на барањата на продукциите развиле нов вид тестови за возила:
“Развивме нов тестирачки стандард за “Defender”, најпредизвикувачки од сите досега. Силата и издржливост на возилата се мерени преку повеќе различни тестови. Возилата не се особено модифицирани, освен инсталацијата на дополнителни рол-бар кафези”.
Колинс додал и дека тестовите покажале дека “Defender” е способен да ги издржи сите напори кои ги побарала продукцијата за 25-тото продолжение на приказната за агентот 007.
Во филмот “No Time to Die”, освен култните теренски возила, во главните “автомобилски” улоги се појавуваат и 3 модели на “Aston Martin”, еден класичен “DB5” наоружан со тешки митралези како и новите модели “DBS Superleggera” и “Valhalla”.
