НБА лекција: Вестбрук почна да слави пред време, Бјелица го „поздрави“ со неверојатна тројка со звукот на сирената

Српскиот кошаркар погоди неверојатна тројка со звукот на сирената и ги фрли во очај фановите на Хјустон, а особено Расел Вестбрук кој погоди во претходниот напад и кој предвреме почна да слави. Ѕвездата на Рокетси предвреме почна да се радува извикувајќи „game over“ (крај), но само неколку секунди доби животна лекција, откако фантастичниот Србин погоди од речиси невозможна позиција.

Јунакот Бјелица го заврши мечот со 17 поени, Барнс имаше 19, а во победничкиот тим најефикасен беше Хилд со 26 поени. Најефикасен на паркетот беше Вестбрук со 34 поени, но тоа беше мала утеха за него во поразот од 118:119.

НБА резултати:

Индијана – ЛА Клиперс 99:110

Бостон – Кливленд 110:88

Чикаго – Торонто 92:93

Хјустон – Сакраменто 118:119

Милвоки – Орландо 110:101

Њу Орлеанс – Детроит 103:105

Феникс – Минесота 125:109

Јута – Оклахома 90:104

Голден стејт – Мемфис 102:110