Аргентинец се онесвести додека го чекаше возот, па при падот турна жена која што чекаше пред него. Малку фалеше сето тоа да заврши трагично.
Откако жената од силината на ударот падна на шините, таа ја загуби свеста и остана да лежи, а во меѓувреме пристигнуваше возот.
Благодарение на останатите луѓе кои панично му мафтаа на машиновозачот да го сопре возот, тие ѝ го спасија животот на жената. Откако возот успеа да сопре, неколкумина скокнаа на шините за да ја подигнат жената, а набрзо пристигна и полицијата и итна помош.
