Борис Џонсон и Жан Клод Јункер потврдија дека денес во Брисел бил постигнат договор за Брегзит, односно за излегувањето на Велика Британија од Европската унија.
„Добивме одличен нов договор кој ја враќа контролата - сега парламентот треба да заврши со Брегзит во сабота за да можеме да преминеме на други приоритети како трошоците за живот, здравството, криминалот и нашето опкружување“, порача британскиот премиер Борис Џонсон.
„Таму каде што постои волја, таму има договор. Постигнавме договор. Тоа е фер и избалансиран договор за Европската унија и Велика Британија и тоа ја потврдува нашата посветеност во пронаоѓањето на решенија“, порача првиот човек на Европската комисија, Жан-Клод Јункер.
Јункер и натаму жали поради резултатите од референдумот одржан во 2016-та година, но нагласи дека во интерес на Европската унија е „уредно и пријателско заминување на Велика Британија од Европската унија“.
🇪🇺🤝🇬🇧 Where there is a will, there is a #deal - we have one! It’s a fair and balanced agreement for the EU and the UK and it is testament to our commitment to find solutions. I recommend that #EUCO endorses this deal. pic.twitter.com/7AfKyCZ6k9
— Jean-Claude Juncker (@JunckerEU) October 17, 2019
Преговарачите постигнаа договор за ревидираниот Протокол за Ирска/Северна Ирска и за ревидираната политичка декларација на 17-ти октомври 2019-та година.
„Препорачувам Европскиот совет на својот следен состанок да го одобри ревидираниот Договор за повлекување и политичка декларација“, изјави Жан-Клод Јункер.
