Астана, престолнината на Казахстан, повеќе нема да биде позната по тоа име.
Новиот претседател на Казахстан, Касим Жормат Токајев, потпишал указ за преименување на престолнината, се наведува во соопштението на прес-службата на шефот на државата.
"Да се преименува Астана - престолнината на републиката Казахстан во град Нурсултан - престолнината на Република Казахстан", стои во документот.
Указот стапува на сила од моментот на официјалното објавување.
Првиот претседател на Казахастан, Нурсултан Назербајев, на 19-ти март објавил дека поднесува оставка. Тој својата власт му ја предал на Токајев, како претседател на парламентот - тој ќе ја врши должноста претседател до наредните избори планирани за 2020-та година.
Против преименувањето на Астана е опозицијата. Во престолнината и Алма Ати вчера биле одржани протести кои завршиле со апсење на неколку десетици луѓе.
Астана го добила името во 1998-ма година, кога станала престолнина на Казахстан. Пред тоа, градот се викал Акмола.
