Дури и домашното милениче на семејството Бекам живее на висока нога, па има прилика да се топли со брендирана прекривка.
Дејвид и Викторија Бекам очигледно не внимаваат само на своите деца, туку и на кучето, па со големо внимание се грижат за верниот пријател, на кој му купиле ќебенце со потпис на еден популарен бренд. Познатата креаторка на социјалните мрежи споделила фотографија на која нејзиниот сакан спие со нивното куче Олива, кое е покриено со скапоцена ткаенина.
Очигледно е дека Бекамови ја сметаат Олива за член од семејството, па сакаат и за неа да одвојат голема сума на пари, со оглед на тоа дека оваа прекривка чини околу 4.600 долари.
„Попладневна дремка со нејзиниот татко“, напишала Викторија на фотографијата, на која е нејзиниот сопруг со кучето.
Ова многу не им се допаднало на нивните фанови, кои во коментарите ги осудиле поранешниот фудбалер и дизајнерка поради расипништво, иако имало и такви кои застанале во одбрана на популарниот пар.
Инаку, Олива е хит на Инстаграм, бидејќи Бекамови ѝ направиле профил кој има веќе 69.000 следачи.
Познато е дека Дејвид и Викторија сакаат да трошат пари на луксуз, па така и неодамна за божиќната прослава потрошиле неколку десетици илјади долари, а особено искеширале за огномет, во кој посебно уживале нивните деца.
