Властите на Саудиска Арабија го привеле египетскиот хотелски работник поради видео снимка на која се гледа како појадува со колешка од Саудиска Арабија, соопштило Министерството за работа, кое го повикало и сопственикот на хотелот на разговор.
На снимката, која се појавила на социјалните мрежи, се гледа пар како појадува на маса и мавта кон камерата. Во еден момент жената, која традиционално е целосно покриена, го храни мажот.
Сопственикот на хотелот исто така бил повикан на разговор бидејќи ги прекршил прописите во врска со просторот и вработувањето на жени.
هُناك اكثر من المصري "بهاء" وسيناريوهاتهم تحدث يوميًا بين اسقف المولات والمجمعات التجارية فـ استحداث الوظائف للسعوديات بين الأجانب يُعد انفلات صريح للعادات والتقاليد والقيم .#مصري_يفطر_مع_سعوديه pic.twitter.com/r8prckcdf1
— حمود الضحيان ابونواف (@H_S_Alduhaiyan) September 9, 2018
Според владините одредби, на работното место мора да се обезбедат посебни простории за жени, а посебни за мажи, но во пракса тоа не се применува толку строго.
Обвинителството подоцна издало соопштение во кое апелира до странските државјани да ги почитуваат законите и прописите на Саудиска Арабија, како и нејзината традиција.
