Спектакуларен гол со ножички ја најави победата на Волфзбергер

Екипата на Волфзбергер оствари важна победа над Штурм, на својот прв настап по продолжувањето на австриската лига, а со неа се искачи на второто место, зад лидерот Салцбург. Триумфот во Грац беше најавен на спектакуларен начин, со погодокот на Шон Вајсман постигнат во 44. минута од средбата. Израелецот со атрактивни ножички успеа да го совлада голманот на Штурм, а до крајот неговиот тим стигна до бодовите со победа од 2:1.