За возврат, тој ѝ приредил вистинска мала драма, токму во стилот на златните ретривери, и јасно ѝ ставил до знаење што мисли за бркањето од вода. На снимката, која брзо стана хит на ТикТок, се гледа навредениот ретривер на задното седиште од автомобилот. Сè уште во својата кучешка бањарка, демонстративно ѝ го свртел грбот на сопственичката за да ѝ покаже дека е лут.

Корисниците на социјалните мрежи главно застанале на страната на кучето. „Сè уште не завршил со глумењето сирена“ и „На кутрото бебе му треба уште базен“, се само дел од коментарите. Иако кучето поминало два часа во базенот, за оваа раса која обожава вода, тоа очигледно било само загревање.

Зошто златните ретривери ја сакаат водата?

Драматичната реакција на ова куче можеби е претерана, но златните ретривери навистина се кучиња што обожаваат вода. Со генерации биле одгледувани за носење водни птици од езера и реки, па имаат длабоко вкоренета желба за престој во вода. Ставете златен ретривер покрај рибник, езеро или базен и речиси сигурно ќе посака да скокне внатре. Оваа раса едноставно ја сака водата, а причината лежи во нејзиното потекло.

Златните ретривери имаат и физички карактеристики поради кои пливањето им е особено пријатно. Нивното водоотпорно крзно и кожичките меѓу прстите им го олеснуваат движењето низ водата, но и го прават позабавно.

Тие имаат и таканаречена „видрина опашка“, која им служи како кормило и им помага во управувањето и одржувањето рамнотежа додека пливаат. Златните ретривери не се само одгледувани за влегување во вода и носење плен, туку и се градени за пливање. Тоа, секако, не значи дека лесно може да се убедат на крајот од денот да излезат од базенот или езерото.

На ова куче очигледно му треба некоја вкусна закуска или едноставно уште малку време за капење.