Поранешниот словенечки претседател Борут Пахор деновиве го привлекува вниманието на јавноста со необични објави на социјалните мрежи.
Имено, фотографии на кои позира во пижами, во опуштено домашно издание, се појавија на неговите официјални профили на Фејсбук и Инстаграм, но најконтроверзната фотографија е онаа на која тој позирал во кревет прегрнат со русокоса во топлес издание.
Во објавата, Пахор промовирал добро познат бренд на пижами, истакнувајќи ги како идеален божиќен подарок.
Објавата на Инстаграм предизвика бројни реакции кај следбениците, иако се работи за маркетиншка кампања.
„Ова е толку одвратно“, „Малку несоодветно“, „Која е русокосата во креветот?“ и „Ова би можел да бидам јас“, беа само дел од коментарите под објавата.
Поранешниот претседател и претходно беше познат по својот спонтан и директен пристап на социјалните мрежи. Неговите објави, честопати исполнети со хумор и неочекувани контрасти, како што е неговата фотографија во елегантен костум на плажа во Будва, редовно привлекуваат реакции од следбениците и илјадници лајкови.
Инаку, Пахор уште за време на студиите работел како манекен и го добил прекарот „Барбика“ поради неговите манекенски способности. Иако оттогаш поминале многу години, неговите најнови објави покажуваат дека тој сè уште вешто позира пред камерата.
