Американскиот дизајнер Келвин Клајн (83) пред неколку денови бил снимен во Њујорк на вечерно излегување со својот долгогодишен партнер Кевин Бејкер, а снимката брзо се прошири на социјалните мрежи.
Познатиот дизајнер на модната куќа „Calvin Klein“ бил еден од гостите на прославата организирана од фотографот Стивен Клајн во Ист Вилиџ по повод објавувањето на неговата нова книга.
Снимката го прикажува моментот пред двојката да влезе во галеријата „The Brant Foundation“, кога Клајн накратко бил дезориентиран и ја изгубил рамнотежата поради блицовите на фотографите. Дизајнерот промрморел дека „не го очекувал тоа“, додека неговото момче продолжило да оди со ладен израз на лицето.
„Минувач кој не го познава би обрнал повеќе внимание од неговиот партнер“, „Проклетство, момчето дури и не го погледна“, „Со оглед на тоа колку ужива да биде со него, барем може да му помогне да се качи по скалите“… беа дел од коментарите на Икс.
Познатиот дизајнер и Кевин Бејкер се во врска од 2016 година, а никогаш јавно не зборувале за својата љубов. Досега се чинеше дека разликата од дури 46 години не им е пречка, а за прв пат јавно се појавија како пар на црвениот килим на есенската гала на Американскиот балетски театар во 2016 година.
Оттогаш, честопати имавме можност да ги видиме како заедно шетаат во Њујорк.
Келвин Клајн никогаш не зборувал за својата сексуална ориентација
Од почетокот на неговата кариера, американскиот дизајнер се обидувал да не го открива својот приватен живот во медиумите, па затоа не се огласувал ниту околу шпекулациите дека е геј, како ниту за неговата врска со Бејкер.
Познато е дека претходно имал афери со жени, како и дека бил двапати женет.
Најпрво, од 1964 година, бил 10 години во брак со текстилната дизајнерка Џејн Центар, со која ја добил ќерката Марси, која се занимава со телевизиска продукција, а најпознатите наслови во нејзината биографија се „Saturday Night Live“ и „30 Rock“.
Потоа во 1986 година се оженил со својата асистентка Кели Ректор, од која исто така се разделил по 10 години брак, додека официјално се развеле дури во 2006 година.
По вториот развод, Клајн почнал да се поврзува со мажи, а првиот со кого наводно имал сериозна врска бил Николас Грубер, порно ѕвезда кој тврди дека воопшто не е геј.
