Без оглед на тоа дали бираме раскошна елка полна со детали или едноставна варијанта, дефинитивно таа ќе внесе топлина и радост.

Според фенг шуи, елката не е само празнична декорација туку и моќен симбол на виталност, раст и нови почетоци.

Фенг шуи е кинеска дисциплина на уредување на работите во хармонија и рамнотежа со природниот свет околу вас. Ова е особено важно доколку во текот на празничната сезона ги исполнуваме домовите со нови бои, облици и ароми.

Во фенг шуи овие бои и облици ги нарекуваме пет елементи – оган, земја, метал, вода и дрво. Покрај тоа, триаголниот облик божиќната елка ја смета за елемент на огнот, а уште повеќе кога е покриена со светла.

Најдобро место за елка според фенг шуи

Идеална локација за новогодишната елка е областа на богатството, славата или семејството во вашиот дом затоа што нив ги поддржува дрвото и огнот.

Областа на богатството е просторијата во горниот лев агол од вашиот дом или горниот лев агол од било која соба. Областа на славата се наоѓа спроти вашата влезна врата.

Облиците на триаголник прикажани во овие области ги подобруваат финансиите, изобилството и просперитетот, според популарната кинеска дисциплина.

Многу од луѓето мислат дека мора да ја изложат цела декорација која ја собирале низ годините, без оглед на тоа дали им се допаѓа или не. Меѓутоа, важно е да изложите само дел од она што навистина ви се допаѓа.

Доколку не поставувате елка, но сепак сакате на некој начин да го декорирате домот, тогаш внесете малку природа внатре така што ќе изложите зимзелени гранки или божиќни ѕвезди.