Сигурно многупати сте читале за придобивките од топла вода со лимон наутро. Овој совет постојано кружи по интернет, а иако многумина ветуваат „чуда“, реалноста е поумерена. Сепак, овој едноставен, лесен напиток има реални придобивки кои не можат да се негираат.

Но како изгледа ова во пракса? Новинарката Анге Верике реши да го сподели своето искуство – седум дена по ред пиела топла вода со лимон, а ефектите ги почувствувала речиси веднаш. Нејзиниот текст го пренесуваме во целост.

Како се прави топла вода со лимон?

Едноставно е како што звучи. Ви треба половина лимон, топла или вода на собна температура и една шолја.

Отстранете ги семките, исцедете го лимонот во водата и испијте го секое утро на празен стомак.

Како се чувствував од ден во ден?

Прв ден

Користев мала шолја вода со големо парче лимон. Водата беше на собна температура бидејќи утрото беше топло. Напитокот беше многу покисел отколку што очекував и тоа веднаш ме разбуди. На празен стомак – не баш пријатно. Немаше некој ефект освен мала мачнина.

Втор ден

Одбрав поголема шолја за напитокот да биде помалку кисел. Разбрав дека количината вода не е толку важна, сè додека има барем половина лимон. Успеав! Помалку кисело, но сè уште не многу пријатно. Овојпат го пиев полека додека го подготвував појадокот.

Трет ден

Наместо вода на собна температура, употребив топла вода. Изненадувачки – многу повкусно! А сè уште имаше ефект на брзо будење . Од сега – само топла лимонада!

Четврти ден

Веќе се навикнувам на вкусот. Буквално ме буди за миг. Лесно може да биде замена за кафе.

Петти ден

Синоќа јадев многу тешка храна во кинески ресторан. Утрото се разбудив со надуен стомак и тежина. Но топлата вода со лимон веднаш го „раздвижи“ дигестивниот систем. За кратко време се почувствував подобро.

Шести ден

Овој напиток станува одличен дел од мојата утринска рутина. Го чувствувам ефектот врз варењето, а и понатаму ме буди многу брзо.

Седми ден

Автоматски почнав да ја правам топлата вода со лимон, наместо да посегнам по кафе. Знак дека навиката е веќе формирана. Нема веќе толку кисел вкус – телото очигледно очекува ова да биде првата работа утрината. И како првиот ден – веднаш ме разбудува и го активира стомакот уште пред појадок.

Што се случи по 7 дена?

Можам со сигурност да кажам дека дел од придобивките се вистински. За жал, кожата сè уште не ми се прочисти, но ќе истраам – прочитав дека за тоа е потребно повеќе време.

Но ефектите врз организмот ги почувствував веднаш:

– варењето значително се подобри

– имав повеќе енергија

– и беше еден од најбрзите природни начини да се разбудам

Планирам да ја продолжам оваа навика, бидејќи навистина уживам во промените што ги донесе во моето тело. Верувам дека долгорочно резултатите ќе бидат уште подобри. Едно е сигурно – овој напиток не може да ви наштети.