Манекенката Миранда Кер во текот на викендот присуствувала на гламурозна прослава на „G’Day USA Gala“, а додека останатите поканети гости уживале во гурманската вечера со различни специјалитети и скапоцено црвено вино, таа решила на овој настан да си донесе свој „оброк“.
Славната 39-годишна манекенка објавила фотографија на која јаде банана и пие кокосова вода на свечено поставената трпеза.
„Медицинските експерти тврдат дека кокосовата вода и бананите се природни бета-блокатори“, напишала Кер на фотографијата. За потсетување, бета-блокатори се лекови кои го намалуваат крвниот притисок и ги намалуваат ефектите од хормонот на стрес.
Некои од присутните биле прилично изненадени од ваквиот потег на манекенката, па така австралискиот радио водител и комичар Мајкл „Випа“ Випфли во својата емисија признал дека шишето вино од неговата маса „исчезнало со брзина на светлината“, а кога погледнал кон масата на која седеле Миранда и нејзиниот сопруг Еван Шпигел, како и пејачката Кејти Пери – нивното шише било недопрено.
„Нашата маса беше потполно чиста, немаше ни капка алкохол на видик, но затоа Миранда, Кејти и Еван не го ни допреа нивното шише вино“, рекол тој и додал дека потоа ја видел манекенката како јаде банана и пие кокосова вода.
„Јадеше банана на масата. Вечераше една банана“.
Инаку, Миранда на самиот настан заблескала во едноставна, бела креација со миди должина, која го истакнала нејзиното витко тело, а сега е јасно дека за ваквиот изглед манекенката и тоа како се жртвува.