(Фото/Видео) Полуголи пожарникари позирале со напуштени животни, жените маѓепсани: „Можам ли него да го вдомам?“
Откако беше лансиран пред 30 години, австралискиот календар на пожарникари донира милиони долари во добротворни цели.
Овој календар со полуголи пожарникари стана најпопуларниот календар во светот.
Средствата од продажбата на календарите во последните три децении се наменети за истражување за изнаоѓање подобри методи за лекување на тешки изгореници кај децата.
Календарот, исто така, има горда историја на поддршка на засолништа за животни и Byron Bay болницата во која се лекуваат диви животни.
Згодните мажи за божиќното издание на календарот позирале со напуштени животни со цел што поскоро да најдат посвоители, но и сите пари од продажбата на календарот одат за грижа на овие преслатки мачки и кучиња.
Ова, како и секое ново издание на календарот, воодушеви милиони жени ширум светот.
„Дали е реално колку се згодни“, „Убави се“, „Тие се сè што сакам за Божиќ“, „Се надевам на ова под елката“, „Може ли него да го вдомам?“, се дел од стотиците коментари.
