Протекувањето на делови од гасоводите Северен тек 1 и 2, многу веројатно, е последица од акциите зад кои стои некоја држава, соопштил денеска шведскиот министер за енергетика Кашајар Фарманбар.
„Многу е можно тоа да е направено намерно, а не случајно, и малку е веројатно дека тоа не го направила некоја држава“, рекол Фарманбар пред новинарите пред состанокот на министрите на ЕУ во Брисел.
Тој додал и дека овој инцидент треба да се набљудува од „аспект на моменталната безбедносна ситуација во која се наоѓа Европа“, пренесува „Reuters“.
The Swedish Coast Guard said it discovered a fourth unexplained gas leak in the undersea Nord Stream pipelines linking Russia to Europe, triggering allegations of sabotage https://t.co/8lnrcIfWWl pic.twitter.com/8AxRhXcCkx
— Reuters (@Reuters) September 29, 2022
Шведското обвинителство соопштило вчера дека службата за национална безбедност преземала прелиминарна истрага за оштетувањето на гасоводите Северен тек 1 и 2 во Балтичкото море.
Во соопштението на обвинителството е потврдено дека шведската служба за безбедност ќе води истрага бидејќи, како што се наведува, можно е да станува збор за сериозно злосторство кое, барем делумно, е насочено против шведските национални интереси, а судејќи по се го извршила некоја странска сила, пренесува „Reuters“.
