Алек Болдвин би можел да се соочи со обвинение за убиство на снимателката Халин Хачинс на сетот на „Rust“.
Хачинс беше убиена на снимањето на филмот минатиот октомври, откако Болдвин пукал од реквизит пиштол.
Обвинителката на округот Санта Фе Мери Кармак-Алтвис изјавила дека е „подготвена“ да поднесе обвинение против четирите лица, според MailOnline.
Таа додала дека „секако ги разгледува сите статути за убиства и сите статути за оружје според Кривичниот законик на Ново Мексико“.
„Еден од можните обвинети е познатиот актер Алек Болдвин“, рекла таа.
Минатиот месец Болдвин рече дека „секој човек“ што бил на снимање знае „точно кој да обвини“ за смртта на Хачинс.
Актерот исто така понудил објаснување за тоа како пиштолот можел да испука без тој да го повлече чкрапалото, откако во извештајот на ФБИ се вели дека треба да се повлече чкрапалото од пиштолот за да се испука куршумот.
Во разговор со американскиот новинар Крис Куомо на неговиот подкаст, Болдвин зборувал за тековното известување за настанот и рекол дека бавниот напредок на истрагата е „загрижувачки“.
