Компирот секогаш го служиме како прилог со главно јадење, со месо или риба или пак го ставаме во посни салати. Пекарскиот компир е доживување само по себе, а овој рецепт ќе ве освои.

Состојки:

- 1 килограм компири;
- Два лимони;
- 1 литар вода;
- 2 лажички оригано;
- 1 лажички мајчина душица;
- 2 лажици власец;
- 2 чешниња лук;
- 80 милилитри масло за јадење;
- 3 лажици пченкарно брашнo;
- Сол, бибер, мелена пиперка.

Подготовка:

Излупете го компирот и исечете го на половина, па ставете го во тенџере, додадете вода и сок од два лимони и варете на средна температура.

Рерната загрејте ја на 200 степени Целзиусови и оставете го празниот плех да се згрее во којшто ќе ги печете компирите.

Во меѓувреме компирот исцедете го и оставете го да се излади. Потоа во компирот додадете масло за јадење, лук, мелена пиперка, и останатите зачини, па на крајот додадете го и пченкарното брашно како тајна состојка која на компирот ќе му даде неодолива крцкавост.

Измешајте ги состојките, па компирот ставете го во рерна да се пече најмногу 40 минути.

Пријатно јадење!