(Видео) „Забранете ѝ пристап во Холивуд – таа ги прогонува познатите“: Популарната манекенка ги загрижи сите со своето бизарно однесување пред камерите

На доделувањето на наградите „Билборд“ кое било одржано во Лас Вегас, видовме многу познати лица во елегантни изданија, но и бизарно однесување на поранешната британска манекенка Кара Делевињ.

Популарниот модел и актерка привлекла внимание кај корисниците на социјалните мрежи со своите несекојдневни потези, пред сè во близина на раперката Меган Ди Стелион.

Видеата и фотографиите од моментите кога тие биле „уловени“ заедно, ги преплавиле социјалните мрежи, а иако многумина ѝ се потсмеваат на Кара, има и такви кои велат дека нема ништо смешно во нејзиното однесување.

Кара прво била забележана како ѕирка од зад ѕидот каде се фотографирале познатите на црвениот тепих и како ја набљудува Меган.

Потоа ѝ пришла на раперката и почнала да си „игра“ со нејзиниот фустан.

И, баш кога многумина помислиле дека Меган е безбедна, додека раперката зборувала со колешката Доџа Кет, Кара се појавила од никаде покрај неа и им упаднала во разговор.

Повеќе пати таа легнала на подот за да ги фотографира Доџа, Меган Фокс и Машин Ган Кели...

Многумина се сетиле дека Кара постојано ја допирала Меган на забавата после Мет Галата, иако било јасно дека таа не го сака тоа.

Се појавиле и шпекулации дека Кара и Меган се во врска, што ниту една од нив не го потврдила.

На Твитер кружи и старо видео на кое Кара се обидува да ја лизне раперката Азилија Бенкс во текот на нејзиниот настап.

Коментарите на сметка на бизарното однесување на манекенката се и повеќе од негативни:

„Како Кара од преслатка манекенка и една од најуспешните жени на светот, стана пропадната актерка која ги прогонува познатите“, „Забранете ѝ пристап во Холивуд“, „Овие видеа ги избришаа сите мои сеќавања на сопствените бламови“, „Ова воопшто не е смешно, жената е прогонувачка“, биле само дел од реакциите на Твитер.