Загинал Французинот кој сакал да го превесла Атлантскиот океан - Неговата последна порака: „Бидете сигурни, не сум во опасност“

Португалската крајбрежна стража го пронашла превртениот чамец на Французинот кај Азорските острови, пренесува британски "Guardian".

Како што навел неговиот тим, нуркачите почнале да го бараат кога виделе дека два пати активирал С.О.С сигнал, но безживотното тело на поранешниот падобранец било пронајдено во кабината на пловилото.

Поранешниот падобранец, кој минатата недела го прославил својот 75 роденден на море со шампањ, на 1-ви јануари тргнал од Сагреса во јужна Португалија, со цел самостојно да мине преку океанот.

Во средата на Фејсбук напишал дека дуваат силни ветрови кои му го продолжиле патувањето за 900 километри, но додал дека се е во ред.

„Бидете сигурни, не сум во опасност“, напишал Савин.

Авантуристот Жан Жак Савин во 2019-та година го минал океанот во голема капсула која личи на буре, а патувањето траело 122 дена.

Савин повторно се надевал дека ќе пристигне до Карибите.