Таа е „несекојдневна жена“ – може да подигне тежина од 160 килограми, а вели дека тешко може да најде облека за себе
Бодибилдерката Британи Флекс е од Оклахома, Америка и дефинитивно не изгледа како поголемиот дел од жените ширум светот.
На своите Инстаграм следбеници таа постојано им го покажува начинот на живот, но и тренинзите кои ги прави за да постигне што подобри резултати на натпреварувањата во бодибилдинг.
Таа истакнува дека е многу тешко да пронајде облека затоа што според такви мерки како нејзините за жените не се прави облека, па често ѝ изработуваат облека според нејзините пропорции.
„Не сум градена како „типична жена““, изјавила Британи (31), па додала:
„Доколку облеката ми одговара на нозете, не ми одговара на половината“.
Таа може да подигне тежина од 160 килограми, а како што истакнува околу 25 отсто од мажите во теретана не можат да подигнат ниту приближно колку неа.
