Сашко Коцев и сопругата Смиљана прославија 8 години брак - актерот ја одбележа годишнината со романтична фотографија
Актерот Сашко Коцев секогаш знае да ја насмее публиката и своите следбеници на социјалните мрежи, но ретко знае да сподели фотографии и детали од својот приватен живот.
Но, вчера бројни познати ѕвезди и фанови му упатија честитки поради убавите вести - тој заедно со сопругата Смиљана прослави 8 години брак кој го одбележа на својот Фејсбук профил со заедничка романтична фотографија.
„Златна бубамара“ беше сцената каде пред неколку години Сашко јавно пред публиката ја побара за сопруга својата сакана Смиљана, а во ноември 2017 година за првпат станаа родители на ќерката Јоана која наскоро ќе наполни 3 години.
