Во изминатите 24 часа во Србија се регистрирани 68 нови случаи на коронавирус, од вкупно тестирани 3.175 лица, а едно лице починало.
Епидемиолозите апелираат до граѓаните што се враќаат од странство да постапуваат одговорно и совесно.
„Од петокот во 18 часот, кога стапи во сила мерката за здравствен надзор за патниците што се враќаат од странство, до утрово околу 10.000 граѓани се пријавија на порталот за е-здравје“, изјави за РТС директорката на Институтот „Батут“, Верица Јовановиќ.
Таа рече дека сите оние кои не можат да се пријават електронски на соодветниот портал, а деталите се добиваат при влез во Србија, треба да одат кај лекар. Таа посочи дека мерката се однесува на сите, без разлика дали имаат симптоми на Ковид-19 или не.
