Светлана Јовановска - Светле е една од најквалитетните вокали на домашната сцена. После цели 16 години опстојување на нашата естрада, Светле ќе биде дебитант на овогодишниот Макфест, кој ќе се одржи на 19-ти, месецов. Пејачката ќе се претстави со песна од Ристо Самарџиев, кој инаку е познат по тоа што многу години наназад ги компонира токму победничките песни. Во продолжение ви носиме кратко 'увертира' интервју со Јовановска, два дена пред да се претстави на Макфест.
Да, навистина сум долго време присутна на македонската музичка сцена, скоро 16 години, што кога ќе помислам на тоа сфаќам дека не е воопшто наивно. Сепак, се работи за клупска сцена која за мене е природна средина и во која апсолутно уживам, но ете... После долго време почувствував дека е време и на ваков начин да ѝ се претставам на публиката, да пробам нешто ново. Макфест е традиција вредна за почит, идеално место каде публиката ќе ме доживее во поинакво светло.
За Макфест се подготвував повеќе од еден месец. Инаку, од други фестивали би ги издвоила „Blues and Soul Festival“, „EXIT“, „Shpancirfest“...
Навистина ми е жал што годинава ќе се пее на плејбек. Сметам дека секој изведувач треба да е апсолутно спремен да настапи во живо, впрочем тоа е еден од главните аспекти на нашата работа. Секако дека тоа го намалува факторот трема, но, што е - тука е. Ситуацијата за сите е поинаква оваа година за жал, подобро да се прилагодиме.
Секако. Јас Ристо Самарџиев го почитувам премногу, со неговата музика сум растела, неговите хитови се неизбежен дел од сечиј живот кај нас. Одговорноста е голема, но и песната е прекрасна, ќе слушнете.
Едноставен, елегантен, но се надевам доволно впечатлив и незаборавен.
Да, секако дека познавам добар дел од нив, некои од нив ми се пријатели... Нокаут, Полина, Олгица се само дел од имињата. Се радувам што ќе се дружиме повторно и им посакувам добар настап секако.
Автор: Цеце Николова