Големиот заводник, актерот и музичар Франо Ласиќ (65) повторно ќе се оствари во улога на татко.
Неговата сопруга Милена Ласиќ (35) на социјалните мрежи ја споделила радосната вест и објавила фотографија на која со гордост го истакнува трудничкиот стомак.
На Милена ова ѝ е прво дете, додека Франо има три возрасни деца - Јанко, Лука и ќерката Лина.
„Секој пат како да е првпат, возбудата е голема и не може да се опише со зборови. Нѝ се случува прекрасна работа, на која многу ѝ се радуваме. Тоа е нешто што и двајцата го сакавме“, рекол Франо Ласиќ.
Кога ги дознала радосните вести, Милена прво му се јавила на сопругот.
„Беше воодушевен. Скокавме од среќа, се бакнувавме и се прегрнувавме. Можеби почетокот на епидемијата на коронавирусот не беше најдобар период да дознаете дека сте бремена, но ние двајца добро се држевме“, рекла таа, пренесуваат тамошните медиуми.