Компирот е една од најзастапените намирници во домаќинствата ширум светот.

Освен што е превкусен и може да се подготви на различни начини, компирот може да послужи и како лек.

Уште одамна постојат многу народни лекови кои што се користат ширум светот.

Компирот се користи како лек за срцето и крвотокот. Рускиот народен рецепт препорачува сите постари луѓе од 40 години, секое утро пред доручек да си насецкаат компир и да го јадат за да спречат артеросклероза.

Во Русија исечкани парчиња компир се ставаат во анусот како брз лек против хемороиди.

Сировиот сок од компир и врелата компирова вода се ставаат на болни делови од телото, на пример како лек против реума.

За зголемен крвен притисок, сварете кора од компир, околу 15 минути во 600 милилитри вода.

Секој ден пијте по 1-2 шолји.

Внатрешни лековити својства на компирот

Кога се пече или пак вари, компирот задржува голем дел од својата прехранбена вредност. Тој речиси не содржи маснотии, а одличен извор е на енергија за оние кои што сакаат да ослабнат.

Сепак во народните рецепти најмногу се користи сок од сиров компир, традиционално против тегоби: депресија, чирови на органи, болести на џигерот, камен во жолчката...

Новите истражувања покажале дека компирот содржи и некои состојки кои што можеби се делотворни и против вируси и рак.

Кората има антиоксидантни особини, ги неутрализира разорните слободни радикали кои што се поврзани со сите дегенеративни болести, а исто така го успорува и процесот на стареење.