Коронавирусот и натаму забрзано се шири насекаде низ светот, а ново најголемо жариште стана Јужна Америка.
Само во текот на вчерашниот ден, бројот на заразени во Аргентина надмина 200 илјади, а дневниот број на починати во Колумбија расте од ден во ден. Целиот континент забрзано се приближува кон бројката од 5 милиони заразени.
Во текот на викендот, вкупната бројка на лица починати како последица на коронавирусот надмина 200 илјади, а бројот на заразени нагло се шири во земјите кои не применуваат строги рестрикции.
Латинска Америка претставува околу 8% од светската популација, а веќе има околу 30% од вкупниот број на заразени и починати како последица на коронавирусот.
Далеку најтешко погоден е Бразил со регистрирани 2,73 милиони случаи и вкупно повеќе од 94 илјади смртни слуачи. На глобално ниво Бразил е втората најтешко погодена земја, веднаш зад Соединетите Американски Држави.