49-годишната Падма Лакшми е спремна за плажа – една од најпосакуваните жени на светот според изборот на многу мажи, се соблекла во бикини и споделила неколку фотографии со своите фанови.
Падма јасно дала до знаење дека е во одлична форма и дека доследно тренира, а целото внимание било насочено на нејзиниот затегнат стомак.
Фановите нижеле комплименти, порачувајќи ѝ дека “поради неа, педесеттите изгледаат како дваесетти”.
Во што се крие нејзината тајна? Прескокнување на јаже, кое ѝ е најомилената вежба за фит тело, открила таа во една прилика за магазинот “Women’s Health”.
Индијката внимава и на исхраната – за појадок пие незасладен чај, а за десерт консумира боровници, лубеница и мандарини.
“Во нашиот дом се готви еден свеж оброк дневно и тоа вообичаено е вечерата. Готвам повеќе, па останува и за следниот ден за ручек”, појаснила Лакшми. “Најчесто тоа е пилешко месо со ориз или грашок”.
Сeтоа ова се чини како скромен, но ефикасен режим за витката линија на индиската манекенка.