Стресот е наш стар “пријател” со кој помалку или повеќе научивме да живееме во денешното, модерно време.
Една од многуте последици на стресот е и анксиозноста која влијае на квалитетот и должината на сонот, но и прави потешко да потонеме во сон поради бројните мисли кои се вртат низ нашите глави и напнатоста во телото од напорниот ден.
Актуелната ситуација со коронавирусот секако не придонесува за намалување на стресот, но постојат работи кои можете да ги направите за да се ослободите од него и да си обезбедите пријатен сон.
Неможноста за заспивање може да прерасне во хроничен умор, депресија, нефункционалност во извршувањето на секојдневните обврски, но може да доведе и до развој на многу болести. Затоа е многу важно да заспивате навреме и да му обезбедите на организмот доволно време за квалитетен сон.
Кога несоницата станува проблем, многу луѓе посегнуваат по лекови за полесно заспивање, но постои нешто што можете да го испробате освен лековите.
Сè што е потребно е да пребарате снимки од звуци на Јутјуб, наменски дизајнирани за да го смират нервниот систем, да ги опуштат мускулите (често тие се згрчени поради наталожениот стрес) и да доведат до релаксација на целокупниот организам, што автоматски доведува до полесно и побрзо заспивање.
Изборот на вакви звуци е навистина огромен и можете да го одберете оној кој најмногу ви одговара на вас и вашите уши.
Ние избравме неколку видеа, а вие проценете дали некое од нив е вистинското за вас:
Денес
