Терминот “делфинска кожа” го вовела шминкерката на славните дами, Мери Филипс, која за постигнување на овој изглед препорачува нанесување на повеќе сјајни елементи за мазна и блескава кожа.
Производите кои Мери ги нанесува се хајлајтер и руменило. Но, по што се разликува ваквиот начин на шминкање од класичниот за блескаво лице?
“Делфинската кожа” се одликува со свиленкаста и блескава, но не претерано масна кожа – мазна како кожата на делфинот. Тука не е важен само сјајот и чувството на лето на кожата – целта е да изгледате како штотуку да сте се вратиле од плажа. Оние дами кои инаку имаат мазна и блескава кожа многу полесно ќе го добијат посакуваниот резултат, но тој е можен и кај сите други.
Најважно е кожата на лицето да ви биде правилно хидрирана. Пред нанесување на производите задолжително нанесете и заштитен фактор. Овојпат оставете ги настрана производите за мат изглед и нагласете ги јаболчниците со помош на течен хајлајтер. Потоа на образите додајте нежно руменило за да ја добиете посакуваната боја.