Германскиот производител на автомобили најави дека поради финансиската криза ќе отпушти одреден број на работници.
БМВ неодамна ја претстави новата „Серија 5“, а наскоро на пазарот ќе пристигне и новата „Серија 4“, но тоа не значи дека компанијата не се соочува со сериозни проблеми поради пандемијата на коронавирусот.
Пандемијата на Ковид-19 на Баварците им направи многу проблеми, па со оглед на тоа што компанијата во идниот период ќе се обиде да ги намали трошоците, околу 5 илјади луѓе ќе бидат отпуштени.
Финансискиот директор на БМВ, Николас Пит изјави дека новите мерки вклучуваат намалување на работните часови. Се очекува компанијата исто така да додаде и пакет за предвремено заминување во пензија.
