Бебе-жирафа е родена во индонезискиот остров Бали и го добила името Корона за да се знае дека е родена среде пандемија.
Малата жирафа е трето младенче на гордите родители, мајката Софија и таткото Матади, кои живеат во Сафари Парк на Бали.
Објавена е и видео снимка од раѓањето на малата жирафа.
„Бидејќи е родена среде пандемија, министерот за животна средина ѝ го даде името Корона“, објаснил портпаролот на зоолошката градина.
„Корона е во одлично здравје, исто како и нејзината мајка. Три месеци ќе бидат под посебен надзор“, додал тој.
Сафари Парк на Бали е затворен за посетителите од крајот на март во рамки на мерките за спречување на ширење на Ковид-19.
