Морничавата сцена која што се одиграла на улиците на Минеаполис предизвика огорчување ширум Америка, а некои од тамошните јавни личности го искажаа бесот на социјалните мрежи.
НБА светот исто така е огорчен од убиството на несреќниот Џорџ Флојд, чиј живот го згаснал полицаец расист.
Злосторството во Минеаполис ја обиколи цела планета, како потврда дека расизмот во САД сè уште постои и дека истиот е голема болка во општеството.
Полицаецот врзаниот Флојд го мачел, му го притискал вратот со коленото и ладнокрвно ги слушал молбите и криците за милост, а на крајот го убил.
Леброн Џејмс на тоа реагирал така што го објавил протестот на Колин Каперник кој што во 2016-та година одбил да ја слуша химната на САД, велејќи дека не сака да му оддаде почит на знамето кое што ги малтретира луѓето поради бојата на кожа.
Се огласил и Руди Гобер, кој што е во шок поради ладнокрвното однесување на полицаецот.
„Доколку сте му дозволиле на полицаецот да му го направи тоа на човечко суштество, без обид да го спречите или пак запрете, тогаш и вие сте исто толку виновни колку и тој. Ова е фрустрација и за останатите добри полицајци кои што вложуваат многу ризик во својата работа за да ја извршуваат како што треба секој ден“ – порачал Гобер.
If you let your coworker do that to another human being without trying to stop him or talk to him out of it, you are as gulty as he is. Frustrating for the majority of good cops that take a lot of risk doing their job the right way everyday. https://t.co/HncJfZcVeD
— Rudy Gobert (@rudygobert27) May 26, 2020
Ова не можел да го премолчи ниту Стив Кер, тренерот на Голден Стејт:
„Ова е убиство, згрозен сум. Сериозно, што проклето не е во ред со САД?“.
Од убиството најмногу бил погоден Стивен Џексон, некогашниот НБА кошаркар, чиј пријател бил убиениот Флојд.
