Неверојатен број на чамци, повеќе од 500 кои се “стискаат” еден до друг, преполни со овошје и зеленчук, најживописни бои и текстури на кои локалните жени од индонезиското село Лок Баитан ги продаваат своите производи, го сочинуваат еден од најголемите пловечки пазари на светот.
Жените кои продаваат на чамците се облечени во живи бои – сина, розова, портокалова и со тоа го комплетираат целокупниот живописен пејсаж кој претежно го сочинуваат лимони, разни видови на банана, ананас, дињи и лубеници, манго, авокадо, кокос, черимоја, гуава, кумкват, кивано краставици и разни видови на лиснат зелен зеленчук.
Иако е “само” пазар, ваквата сцена делува спектакуларно и егзотично и веруваме дека е неверојатно чувството да се посети еден ваков вид на пловечки пазар.
Покрај пазарот во Индонезија, многу е познат (иако не колку него) и пловечкиот пазар во Бангкок кој е редовна дестинација на речиси сите туристи кои го посетуваат Тајланд.
