Генијален колач кој со брзина на светлината ќе стане вашиот омилен десерт, а кој не бара никакво кулинарско искуство.
- 2 чаши гриз
- 2 чаши брашно
- 1 чаша шеќер
- 1 прашак за пециво
- 1,5кг. јаболка
- 1 ванилен шеќер
- 1 лажица цимет
- дополнително шеќер по вкус
- 150 грама маргарин
Изрендајте ги јаболките и измешајте ги со циметот, па додадете го шеќерот. Ако имате многу слатки јаболки или сакате помалку слатки колачи, шеќерот може и да го избегнете во овој чекор.
Измешајте ги сувите состојки (гриз, брашно, шеќер и прашакот за пециво).
Премачкајте сад (25x35cm) со маргарин.
Една третина од сувите состојки истурете ги во садот, врз нив ставете ги изренданите јаболки. Истурете ја другата третина суви состојки и повторно ставете од изренданите јаболки. На крајот распоредете го остатокот од состојките.
Сето тоа прелијте го со сокот кој ви останал од јаболките и колачот покријте го со тенко исечен маргарин - во форма на листови.
Колачот печете го околу 35 минути на 180 степени.
Овој сладок десерт можете да го послужите топол, но и ладен. Во двата случаи е одличен.