Лери Дејвид им порача на 'идиотите' кои не го почитуваат социјалното дистанцирање да гледаат ТВ.
„Очигледно, некој ме наговори на ова, бидејќи ова не е нешто што инаку го правам, но во принцип сакам да им се обратам на сите идиоти - а вие знаете кои сте“, започнал создавачот на „Seinfeld“ во снимката која на Твитер ја споделил и калифорнискиот гувернер.
„Излегувате - знам што правите. Се социјализирате преблиску, не е во ред.“
„Ги доведувате во опасност постарите луѓе како мене - добро, не мене. Јас немам ништо со вас. Никогаш нема да ве видам. Но, знаете - другите. Ајде да речеме другите стари лица кои би можеле да ви бидат и роднини. Кој знае, по ѓаволите“, додал тој.
“You’re hurting old people like me. Well, not me... I’ll never see you.”
— California Governor (@CAgovernor) March 31, 2020
Larry David wants everyone to stay home to protect older Californians from #COVID19!
He does not do these things.
Listen to Larry.#StayHomeSaveLiveshttps://t.co/snYe5v55Rw pic.twitter.com/C5cKOaAufE
72-годишниот Дејвид ги предупредил гледачите дека пропуштаат фантастична прилика која се пружа еднаш во животот - да седат дома и да гледаат ТВ.
„Не знам како можете тоа да го пропуштите!“, нагласил тој.
„Па, можеби... бидејќи сте премногу паметни. Но еве: Одете дома. Гледајте ТВ! Тоа е мојот совет за вас.“
Комичарот потоа им порачал на гледачите дека би знаеле дека надвор ништо добро не се случува ако го гледале неговото шоу „Curb Your Enthusiasm“, додавајќи дека надвор има само неволји.