Иако веќе со децении се парче без кое ниту една сезона не може да пројде, се чини дека дојде време фармерките малку да “одморат”.
Наместо нив во сезоната пролет/лето оваа година ќе носиме малку поинакви модели. Во понудата ќе се најдат интересни панталони со најразлични должини, но и еден модел на здолниште. Со тоа, секоја дама ќе успее да пронајде парче кое ќе се вклопи во нејзиниот стил.
Па, да тргнеме по ред:
Иако фармерките нема да бидат толку актуелни, тексасот не оди целосно во заборав. Здолништата од овој материјал често ќе ги гледаме на улиците бидејќи тие се одлично парче за лежерни комбинации, одење на кафе, кино или прошетка. Со ова парче се сложува апсолутно секоја боја, што ви дава многу можности за креирање на најразлични аутфити.
Бермудите ќе бидат најголем тренд на сезоната, според предвидувањата на дизајнерите. Со ова парче можете да создавате лежерни, но и многу елегантни стајлинзи.
Освен што се удобни, хеланките дозволуваат комбинирање на најразлични стајлинзи. Стил и удобност, сè е на едно место, па затоа речиси и да не постои жена која не ги сака.
Овој модел веќе ги освои срцата на модните трендсетерки. Тие се лежерни и удобни и не постои причина зошто да не ги сакате и вие. Плус, во комбинација со широка кошула изгледаат феноменално.
Веселите бои се актуелни оваа сезона, а панталоните во некои од нив ќе го освежат секој аутфит. Монохроматскиот стил како овој е полн погодок.