Американецот Мајк Хјуз, каскадер од Епл Валеј, загина во калифорниската пустина при обидот да полета со ракета која што самиот ја направил, пренесува британски „БиБиСи“.
Неговата ракета на парен погон се срушила набрзо по полетувањето во близина на градот Барстоу. На социјалните мрежи се појави и снимка на која е забележан моментот кога ракетата е лансирана, за потоа да падне на тлото во близина.
Инаку Мајк „Мед“ Хјуз беше голем заговарач на теоријата дека Земјата е рамна плоча. Се надеваше дека на светот ќе му докаже дека нашата планета не е „топка“ со тоа што самиот ќе полета во земјината орбита.
Неговото кобно лансирање во саботата требаше да биде дел од новата телевизиска серија за аматерските производители на ракети “Homemade Astronauts” која ќе се прикажува на американскиот канал “US Science Channel”.
Хјуз со својата ракета од „домашна изработка“ се обидуваше да достигне висина од 1525 метри.
Michael 'Mad Mike' Hughes tragically passed away today during an attempt to launch his homemade rocket. Our thoughts & prayers go out to his family & friends during this difficult time. It was always his dream to do this launch & Science Channel was there to chronicle his journey pic.twitter.com/GxwjpVf2md
— Science Channel (@ScienceChannel) February 23, 2020
Минатата година тој со својата ракета успеа да достигне висина од 570 метри пред да го отвори падобранот и да слета на Земјата.