Стартната цена на SUV модел Karlmann King изнесува 1,8 милиони долари, а во зависност од желбата на купувачите, може да достигне и 3,8 милиони.
За оние кои сакаат ексклузивен и суперлуксузен SUV и на кои не им е проблем да издвојат повеќемилионска сума за купување на автомобил, решението би можело да биде Karlmann King. Ако сте мислеле дека SUV возилата како Rolls Royce Cullinan или Lamborghini Urus се многу скапи, што да се каже тогаш за овој модел, чија почетна цена изнесува речиси 2 милиони долари?
Обликуван како оклопно стелт возило, Karlmann King како механичка основа користи шасија од камионет Ford F-550. Дизајнот на надворешната го потпишува Италијанецот Лучиано Д'Амбросио, кој за возачката страна на возилото предвидел само една врата, додека патниците на задните седишта можат да влезат само од десната страна на возилото.
Weighing over 13,000 pounds and featuring the most extravagant interior features available — the multimillion-dollar bulletproof Karlmann King is the most expensive SUV customers can buy pic.twitter.com/99KMHMvIj1
— Business Insider (@BusinessInsider) February 20, 2020
Луксузниот ентериер со бројни погодности, како што се апарат за кафе или фрижидер за шампањ, потсетува на внатрешноста на некој Rolls Royce автомобил, посебно кога станува збор за "ѕвезденото небо" и кровот со бројни LED сијалици.
За погон е употребен 6.8-литарскиот V10 со 400 коњски сили на Ford, соединет со 6-брзински автоматски менувач. Максималната брзина изнесува 220 km/h, а ако одберете блиндирана опција тешка речиси 6 тони, возилото не може да се движи побрзо од 140 km/h.
