“Google Earth” веќе некое време открива интригантни објекти на различни делови на планетата, но најчесто необичните појави кои ги инспирираат теоретичарите на заговори се појавуваат на оддалечениот континент – Антарктик.
Овојпат, еден од корисниците на “Google Earth” навел дека мапирал нешто што потсетува на џиновска зграда под ледот на Антарктикот. Тој како доказ за своето тврдење објавил и визуелен доказ на Јутјуб.
На објавената снимка во еден момент се забележува масивен квадратен објект кој се издигнува од ледот.
“Многу е голем, многу е симетричен. Изгледа како зграда иако би можело да станува збор за големо парче лед”.
Со објавата која собрала илјади лајкови биле објавени и различни мислења:
“Можно ли е да станува збор за огромен монолит од древната цивилизација?”, “Изгледа како шаторот да лебди над земјата, како да е летало. Дури има и сенка”.
Меѓутоа, скептиците се посклони кон мислењето дека структурата е само лед со необичен облик.
