„Ме кријат половина век за да избегнат скандал“: Овој човек тврди дека е вонбрачно дете на принцот Чарлс и Камила Паркер

Сајмон е роден во Госпорт, во близина на Портсмут во април 1966-та година, а кога имал само 18 месеци го посвоиле Британците Карен и Дејвид Деј. Сајмон е убеден дека на посвојување го дала тогаш 18-годишната Камила.

„Мојата баба Винифред која тогаш работеше за кралицата, ми кажа отворено дека јас сум син на Чарлс и Камила. Некој ја коментираше структурата на мојата вилица и ми кажа дека е иста како кај кралицата. Косата ми беше како косата на Камила“ - тврди Сајмон и вели дека тој ќе биде “најексплозивната работа која некогаш му се случила на кралското семејство“.

Исто така тој вели дека наместо сите да се занимаваат со Хари и Меган треба малку да стравуваат од него.

Доколку тоа што го зборувал Сајмон е вистина тоа значи дека бил зачнат кога Чарлс имал 17 години, а Камила 18 години што е спротивно од приказната на Чарлс и Камила дека се запознале во 1970-те години.

Сајмон себеси се нарекува “принц Сајмон“ и тврди дека за него би се дознало доколку принцезата Дајана не починела.

„Верувам дека Дајана знаела дека постојам и дека и тогаш сфатила што навистина се случува. Мислам дека стигнала до точка кога пронаоѓала се повеќе одговори за сопствениот живот, за тоа какво зло ѝ е направено и секако дека имала намери да го објави сето тоа“ - самоуверено изјавил “принцот Сајмон“.