Израел започна да го зголемува своето воено присуство во Јорданската долина во исчекување на претставувањето на планот на Доналд Трамп за Блискиот исток.
Истовремено се огласи палестинската терористичка организација Хамас од каде што најавија дека ќе побараат состанок со раководството на Палестина.
Да потсетиме, американскиот претседател Доналд Трамп изјави дека долгоочекуваниот мировен план за Блискиот исток ќе го објави пред посетата на израелскиот премиер Бенјамин Нетанјаху на Вашингтон.
#BREAKING Israel army reinforces Jordan Valley ahead of Trump plan: statement pic.twitter.com/TeQwwHXuBk
— AFP News Agency (@AFP) January 28, 2020
Трамп неодамна на новинарите во претседателскиот авион им откри дека можеби Палестинците на почетокот ќе реагираат негативно на неговиот мировен план, но дека верува дека и Израелците и Палестинците ќе имаат голема корист од планот.
„Тоа е одличен план. Тоа е план кој навистина ќе функционира“, изјави американскиот претседател Доналд Трамп кој денес во Белата куќа ќе има средба со израелскиот премиер Нетанјаху.
