Кајли Џенер и Травис Скот минатата година организирале екстравагантна прослава за првиот роденден на нивната ќерка Сторми.
Прославата вклучувала огромна роденденска торта, грицки и облека со ликот на малата Сторми, тобогани, лулашки и разни тематски игри. Гостите уживале во собата исполнета со меурчиња и во другите тематски соби.
На забавата се појавиле разни познати личности, а еден од подароците кој најмногу се истакнал е црвената Chanel ташна.
Но, ниту оваа година нема да биде нешто помалку раскошно. Кајли уште на крајот на минатата година најави дека почнала да го планира вториот роденден на својата единствена ќерка, иако тој е дури на 1-ви февруари.
Сè започнало со луксузно патување во Disney World, а потоа гордата мајка најави мејкап колекција во чест на малата Сторми.
Сепак, спектаклот ќе се случи за време на забавата, која, како што се зборува, ќе чини околу 100.000 долари.
Сè уште не се знае за каква забава точно станува збор, а Кајли одржала веќе неколку состаноци за да биде сигурна дека сè ќе остане во тајност.