Вчера во Лос Анџелес беше одржано спектакуларното доделување на Греми наградите, најпрестижните награди во музичката индустрија.
Познато е дека овој настан е омилен помеѓу љубителите на модата и модните експерименти, а ова е единствена прилика во која ѕвездите излегуваат од своите вообичаени стилски рамки и ѝ се препуштаат на имагинацијата и сексапилот. На црвениот тепих на Греми наградите веќе со години доминира раскош со екстраваганција и провокативност.
Исклучок не биле ни Греми наградите оваа година, а во нашата галерија имате прилика да ги погледнете изданијата на славните убавици.
Пријанка Чопра се појавила во светкав фустан со најдлабокото деколте кое сме го виделе во скоро време, но титулата на најгламурозни дами на вечерта сепак ја понеле Лизо и Аријана Гранде.