Откако бројни американски медиуми објавија дека заедно со кошаркарот Коби Брајант во хеликоптерската несреќа загинал и неговиот поранешен соиграч од Лејкерс, Рик Фокс, репортерот Џаред Гринберг, објави на „Твитер“ дека тоа е лажна вест.
„Лично разговарав со Рик Фокс преку пораки по веста дека загинал Коби. Ве молам прекинете да ширите ‘вести’ освен ако не ви се потврдени“, напиша тој.
I have personally communicated with Rick Fox via text since the news about Kobe dying came out PLEASE STOP spreading “news” unless you personally can confirm it!
— Jared Greenberg (@JaredSGreenberg) January 26, 2020
Рик (50) играше во Бостoн Селтикс од 1991 до 1997 година, а потоа играше за Лејкерс до 2004 година кога се пензионира.
Коби и неговата 13-годишна ќерка Џиана загинаа вчера во хеликоптерска несреќа во Калифорнија. Во хеликоптерот, според последните информации од полицијата, имало девет луѓе.